Economic DNA Explorer (Data, Networks, Analysis) Азия Даму Банкінің 2023 жылғы мульти-аймақты «Шығындар-Шығарылым» кестесінің деректеріне негізделген. Бұл кесте ұлттық және мемлекетаралық деңгейдегі салалық ағындар матрицасын көрсетіп, ЖІӨ есептеудің өндіріс және түпкілікті тұтыну әдістері бойынша мәліметтерді қамтиды.

​

Жалпы алғанда, бұл кестеде 72 ел мен 35 индустрия бойынша 7,5 миллионнан астам жазба бар.

​

Әлемдік экономиканы тереңірек талдау мақсатында, құрылымдық талдаудан бөлек, кешенді есептеулер жүргізілді:

1. шығарылым мультипликаторлары

2. елдердің салалар бойынша мамандануы

3. экономикалық күрделілік индексі (ECI) және салалық күрделілік индексі (ICI)

4. салалық және мемлекетаралық байланыстар (кеңістік концепциясы).

​

Шығарылым мультипликаторы

Дашбордта В. Леонтьев әдістемесі бойынша есептелетін шығарылым мультипликаторы қолданылады. Бұл көрсеткіш белгілі бір саладағы өсім кезінде экономиканың жалпы шығарылымының артуын көрсетеді.

 

Мамандану

Мамандану деңгейін бағалау үшін Баласса индексі (RCA) пайдаланылды. Ол елдің немесе саланың әлемдегі салмағына сәйкес үлесін түзету арқылы есептеледі. Егер индекс 1-ден жоғары болса, бұл елдің немесе саланың көрсеткіші әлемдегі «әділ үлесінен» асатынын және осы салада маманданудың бар екенін білдіреді.

​

Күрделілік

Күрделілік көрсеткіштерін (ECI және ICI) есептеу үшін Ц. Идальго және басқалар жасаған «Экономикалық күрделілік атласы» әдісі қолданылды. Дәстүрлі құрылымдық талдау әдісінен өзгеше, бұл тәсіл «ұжымдық оқытуға» негізделеді және индустриялардағы «алуан түрлілік» (diversity) пен «тарағандық» (ubiquity) көрсеткіштерін ескереді.

 

Мемлекетаралық және салалық байланыстар

Өзара байланыстарды талдау RCA бойынша елдердің (индустриялардың) ұқсастық коэффициенттерінің матрицаларына негізделген. Бұл мәліметтерді визуализациялау үшін оларды желілік графика ретінде көрсетеді. Графика «түйіндерден» (елдер мен салаларды белгілейтін дөңгелектер) және олардың арасындағы маңызды байланыстарды көрсететін «қырлардан» (сызықтар) тұрады.